Në mbledhjen e radhës të këshillit të Qarkut Shkodër, ku së bashku me kryebashkiakët dhe anëtarët votuam unanimisht rendin e ditës. Më shumë investime dhe vëmendje për bashkëqytetarët tanë në 5 bashkitë e qarkut Shkodër, ku po punojmë çdo ditë për të ndryshuar realitetin në këto zona.
Miratuam projektin e parë të programit buxhetor afatmesëm 2025-2027, nivelin e pagave të funksionarëve të zgjedhur apo emëruar, nënpunësve civil, raportin e monitorimit të zbatimit të buxhetit për periudhën 4-mujore etj. Këshilli i qarkut Shkodër së bashku me bashkitë do të sjellë këtë verë edhe 3 koncerte të mëdha, që vijnë në kuadër të sezonit turistik veror, për të rritur larmishmërinë e ofertës në territor.
Qarkullimi i vlerave folklorike nga Ansambli Folklorik i Shkodrës do të sjell në bashkitë Vau Dejës, Pukë dhe Malësi të Madhe, shpalosjen më të mirë të traditës, kulturës dhe vlerave që kanë trevat tona.
