ZHVILLOHEN MBLEDHJET E KRYESISË DHE KËSHILLIT TE QARKUT SHKODËR.
ZHVILLOHEN MBLEDHJET E KRYESISË DHE KËSHILLIT TE QARKUT SHKODËR.Me datë 29 dhe 30 dhjetor u zhvilluan respektivisht mbledhjet e kryesisë dhe këshillit të qarkut Shkodër të cilat kishin për qëllim të merrnin në shqyrtim materialet e paraqitura nga administrata dhe kryetari i Këshillit të Qarkut si dhe problematika të tjera të veçanta.
Si ne mbledhjen e kryesisë se këshillit te qarkut ashtu dhe ne mbledhjen e këshillit te cilat u drejtuan Nga Kryetari i këtij Këshilli zoti Maxhid Cungu, diskutua fillimisht rreth Raportit përfundimtar mbi veprimtarinë ekonomiko-financiare te Këshillit të Qarkut Shkodër për vitin 2012, nga Drejtoria e Financës dhe Buxhetit si dhe miratimin e Buxhetit të Këshillit të Qarkut Shkodër për vitin 2013. Po ashtu u paraqit dhe Struktura dhe Pagat e Administratës së Këshillit të Qarkut Shkodër dhe ajo Nd/jes Rajonale të Rrugëve Rurale Shkodër, për vitin 2013. Një nder pikat e rendit te ditës ishte miratimi i paketës fiskale dhe i përdorimit të ardhurave të planifikuara të vitit 2013. Ne kuadrin social u diskutua për miratimin e Rregullores së funksionimit të Komitetit Drejtues për bashkërendimin e punës ndërmjet autoriteteve përgjegjëse për referimin e rasteve të fëmijëve në rrezik, ndërsa ne kuadër te projekteve me partnere ndërkombëtare u miratua marrëveshja për zbatimin e projektit “NEXT”, në kuadër të programit IPA CBC ADRIATIC. Po ashtu kishte dhe propozime për dhënie pension të posaçëm shtetëror. Sa me sipër anëtaret e këshillit pasi diskutuan rreth materialeve te sipër përmendur i votuan ato duke i kthyer tashme ne vendime.