Në mbledhjen e sotme të Këshillit të Qarkut Shkodër miratuam disa vendime që përkthehen drejtpërdrejt në më shumë mbështetje për komunitetin:
• Financim për shërbime sociale dhe bashkëpunim me organizata që ofrojnë ndihmë për shtresat në nevojë.
• Ndryshime të rëndësishme në strukturën organizative dhe planifikimin buxhetor për të siguruar efikasitet më të lartë.
• Miratuam projektin e parë të programit buxhetor afatmesëm 2026–2028.
• Dhe ajo që më gëzon veçanërisht: miratuam transferimin e investimit të përfunduar për asfaltimin e rrugës së Varrezave “Kalldrun”, duke ia kaluar Bashkisë Malësi e Madhe për mirëmbajtje dhe shfrytëzim.
Këto vendime janë dëshmi e angazhimit tonë për një qeverisje më pranë njerëzve, me transparencë dhe vizion.
Faleminderit të gjithë anëtarëve të këshillit të Qarkut Shkodër dhe administratës për punën dhe bashkëpunimin!
