V E N D I M
Nr. 17, Datë 06 / 06 / 2016
Mbi miratimin e shtesës së paketës fiskale të vitit 2016 për Këshillin e Qarkut Shkodër
Këshilli i Qarkut Shkodër, në mbledhjen e tij të datës 06/06/2016, pasi shqyrtoi materialin e paraqitur nga Drejtoria e Planifikimit dhe Zhvillimit Ekonomik, Social dhe Territorial “Mbi miratimin e shtesës së paketës fiskale të vitit 2016 për Këshillin e Qarkut Shkodër”, bazuar në pikën 3 të nenit 38 dhe nenin 77 të ligjit nr.139/2015, datë 17.12.2015 “Për vetëqeverisjen vendore”, ligjin nr.9936, datë 26.06.2008 “Për menaxhimin e sistemit buxhetor në Republikën e Shqipërisë”, ligjin nr. 147/2015, datë 17.12.2015 ”Për buxhetin e vitit 2016”, Udhëzimin nr.2, datë 06.02.2012 ”Për proçedurat standarte të zbatimit te buxhetit”, Vendimin e Këshillit të Qarkut Shkodër nr.3, datë 30.01.2016 “Mbi miratimin e paketës fiskale të Vitit 2016 për Këshillin e Qarkut Shkodër”, pas diskutimit nga anëtarët;
V E N D O S I :
1. Të miratojë kuotat e antarësisë për financimin e buxhetit të KQSH-së për vitin 2016, që janë miratuar nga këshillat bashkiakë të Qarkut Shkodër.
2. Kuotat e anëtarësisë, që bashkitë do t’i financojnë Këshillit të Qarkut Shkodër janë përcaktuar, si më poshtë;
Ø Bashkia Malësi e Madhe shuma 4 339 435 lekë
Ø Bashkia Vau Dejës shuma 1 000 000 lekë
Ø Bashkia Fushë Arrëz shuma 250 000 lekë
Ø Bashkia Pukë shuma 26 000 lekë
Totali 5 615 435 lekë
3. Të bëhet shtesa e planit të Buxhetit të vitit 2016, Progr.04980, art.604, në shumën
5 615 435 (pesë milion e gjashtëqind e pesëmbëdhjetë mijë e katërqind e tridhjetë e pesë) lekë për vitin 2016.
4. Për zbatimin e këtij vendimi ngarkohet Kryetarja e Këshillit të Qarkut Shkodër .
- Ky vendim hyn në fuqi 10 ditë pas shpalljes së tij.
K R Y E T A R E
Greta BARDELI